Кнәздә баш батырга телевизор бүләк иттеләр

- Иң беренчеләрдән булып милли бәйрәм белән Кнәз авылы халкын җирлек башлыгы Тамара Белова, ветераннар исеменнән Александр Волков котладылар, - дип хәбәр итә мәдәният йорты директоры Тамара Тузеева. - Аннары бәйрәмнең иң күңелле мизгелләре башланды: халык шау-гөр килеп төрле уеннарда катнашты. Сабан туе бәйрәменең иң мавыктыргыч, кызыклы өлеше ул, әлбәттә, көрәш ярышлары. Баштан кечкенә малайлар, аннары яшүсмерләр, соңыннан исә абсолют батыр исеменә ярышлар барды. Быел 2017 елның абсолют батыры булып, Яр Чаллы шәһәреннән кайткан кунагыбыз Азат Сорваров калды. Аңа тәкә һәм телевизор тапшырылды. Теләгәннәр мәйданда барган концерт программасын карады, үзешчәннәр чыгышын алкышлап утырды, - дип язды Тамара Егоровна редакциягә.