Җирне билгеләнгән максатта файдаланырга кушылды

Россельхознадзор идарәсенең Татарстан Республикасы буенча җир күзәтчелеге бүлеге дәүләт инспекторы Кече Шилнә авыл җирлеге территориясендәге авыл хуҗалыгы җирләре категориясенә кергән участокта чираттан тыш тикшерү үткәрде. Аның барышында әлеге кишәрлектә агачлар үскәнлеге, туфракның эшкәртелмәве, печән чабу яки көтүлек өчен файдаланылмавы, агротехник, агрохимик һәм фитосанитар чаралар үткәрелмәве билгеле булды. Шулай итеп, милекченең җирдән файдалану турындагы дәүләт законнарын бозуы ачыкланды.

Тикшерү нәтиҗәләренә карап, милекчегә җирдән файдалану законнарын үтәүне таләп иткән хат юлланды, беркетмә төзү өчен чакыру кәгазе җибәрелде, дип хәбәр итә җир күзәтчелеге бүлеге дәүләт инспекторы Айдар Асадов.