Халыкара форумда катнаштык

Безгә мөселман уку йортлары мөгаллимнәренең Халыкара форумында булырга туры килде. Анда без район мөхтәсибе Җәүдәт хәзрәт Харрас җитәкчелегендә унике кеше бардык. Мәчетләр каршында эшләп килгән төрле курсларны алып баручы укытучылар өчен бу зур бүләк, игътибар күрсәтү иде. Каршыбызда Марокко, Һиндстан, Берләшкән Гарәп Әмирлекләреннән килгән зур галимнәр, профессорлар чыгыш ясады. Әлеге Халыкара форумнан без дини белем бирү өлкәсенә кагылышлы мәсьәләләр, үрнәк дин йортлары тәҗрибәсе, үзебезнең эштә кулланырлык яңа белемнәр алып кайттык, - дип хәбәр итте сәяхәтләре турында Куады авылыннан ветеран укытучы Илсөя Хәсәншина.