Фитнеска йөрсәң – акчаңны кайтаралар?

admin, 9 ноябрь 2019 - 12:45

837

Фитнес-үзәкләргә абонемент сатып алган өчен Россиядә 13 процент салым өлешен кайтаруны кертергә мөмкиннәр.

Иң зур сумма 15,6 мең сум дип билгеләнгән. Бу – елына 120 мең сумнан кайтарыла торган салым. Закон проекты буенча, системаның киләсе җәйдән үк эшли башлавы ихтимал, дип яза «Известия». Салым хезмәт күрсәтүнең нинди төрләре өчен кайтарылыр – соңрак хәл ителәчәк. Мондый чара россиялеләрне сәламәт яшәү рәвешенә тартуга стимул булыр дип фаразлана. Ләкин шул ук вакытта фитнес-үзәкләр бәяләрне дә арттырып куярга мөмкиннәр.