Якты юл
  • Рус Тат
  • Февраль ае хәрби-патриотик чараларга бай булачак

    Совет гаскәрләрен Әфганстаннан чыгаруга 25 ел тулуны билгеләп үтү уңаеннан район Башкарма комитеты җитәкчесе үткәреләсе чаралар планын үз эченә алган карар кабул итте. Әлеге дата кысаларында районда хәрби хәрәкәтләрдә һәлак булганнарны искә алып, аларның каберләрендә булу, чәчәкләр кую, китапханәләрдә, музейларда, хәрби дан залларында геройларның батырлыгын чагылдырган стендлар ясау күздә тотыла....

    Совет гаскәрләрен Әфганстаннан чыгаруга 25 ел тулуны билгеләп үтү уңаеннан район Башкарма комитеты җитәкчесе үткәреләсе чаралар планын үз эченә алган карар кабул итте. Әлеге дата кысаларында районда хәрби хәрәкәтләрдә һәлак булганнарны искә алып, аларның каберләрендә булу, чәчәкләр кую, китапханәләрдә, музейларда, хәрби дан залларында геройларның батырлыгын чагылдырган стендлар ясау күздә тотыла. Иске Абдулда һәйкәл ачу, ветераннарның һәм хәрби бәрелешләрдә башын салганнарның әти-әниләрен бүләкләү, ветераннарга һәм аларның гаиләләренә социаль ярдәм күрсәтү буенча кайнар линия телефонын эшләтү, ветераннар белән хәрби-тематик кичәләр, очрашулар үткәреләчәк. Шулай ук спорт уеннары уздыру планга кертелгән. Кышкы полиатлон, яшьләр һәм мәктәп укучылары катнашында ату спорты буенча чемпионат һәм беренчелек, хоккей чемпионаты, «Сугыш юллары буйлап» дип аталган хәрби-патриотик җырлар фестивале, мәктәпләрдә хәрби темага ясалган рәсемнәргә һәм сочинениеләргә конкурслар, батырлык дәресләре, «Аҗаган» уены үткәрелер дип көтелә.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: