Чишмәләр чисталыгы акциясе башланды

Татарстанда Экология елы уңаеннан Тукай муниципаль районы башкарма комитеты, ТР Экология һәм табигать ресурслары министрлыгының Кама яны территориаль идарәсе белән берлектә, чишмәләр чистарту акциясе уздыра.

Тукай районында чишмәләр төзекләндерелеп, аларның тирәләрендә шимбә өмәләре уздырылып тора. Әлеге язмалар безнең газета битләрендә дә урын ала. Акция кысаларында шулай ук чишмәләрнең, тирә-як табигатьнең матурлыгын чагылдырган фотосурәтләр дә кабул ителә. Аларны район мәгариф идарәсенә тапшырырга кирәк. Иң уңышлы фотолар газета битләрендә һәм сайтта да чыгып барачак.

Чишмәләр чисталыгы акциясе 1 октябрьгә кадәр дәвам итә.