Бурычлыларны ачыклыйлар

Район Эчке эшләр бүлеге «Бурычлы» дип аталган оператив-профилактик акция үткәрә. Гражданнар һәм юридик затлар административ штрафка тартылганнан һәм бу турыдагы карар үз көченә кергәннән соң түләүне 60 көн эчендә башкарырга тиешләр. Киресенчә икән, штраф суммасы икеләтә артырга һәм эш суд приставларына барып җитәргә мөмкин. Шулай ук әҗәтле кеше 50 сәгатькә кадәр мәҗбүри эшләргә тартылырга мөмкин. Суд приставы бурычлы кешене Россия Федерациясе чикләреннән чыгармау турындагы карар төзүне сорап судка гариза бирергә дә хокуклы.

Штрафны банк операторлары аша түләргә була, күрсәтелгән реквизитлар буенча Саклык банкы терминалы аша башкарыга мөмкин, түләгәндә ОКАТО һәм КБК номерларын игътибар белән тутыру кирәк, дип кисәтәләр район Эчке эшләр бүлегеннән.