БСИ юлында ремонт башлана

Яр Чаллы - Сарман юлыннан йөрүче машина йөртүчеләрнең шушы көннәрдә күптәнге хыялы тормышка ашар дигән өмет бар. Бу атнаның якшәмбесендә - 15 сентябрьдә Яр Чаллының "АвтоСтрой" оешмасы Иске Сарман урамы буйлап БСИ районындагы юлны ремонтлый башларга планлаштыра. Җәмгыятьнең директоры Анатолий Ростиловның хәбәр итүенчә, бу участокта барлыгы 2250 метрда яңа асфальт җәеләчәк. Шулай ук юлны киңәйтеп, дүрт полоса күздә тотыла. Ремонт барышында биредә автотранспортның хәрәкәт схемасы үзгәртеләчәк. 10 октябрьгә эшләрне тәмамлау планлаштырыла.