Астрономнар апрельдә магнит давыллары булачагын кисәтә

11 апрельдә һәм 13-19 апрельдә - геомагнит күренеше, ә 12 апрельдә магнит давыллары көтелә.

Апрель уртасында Җирдә яшәүчеләрне кабат магнитлы көннәр көтә.

Җир планетасының Кояш "җиле" агымын кичеп чыгуы - даими күзәтелә торган хәл. Магнитлы көннәр Кояш активлыгы кимегән чорда булгалап тора.

Шулай да белгечләр мондый көннәрдә үз сәламәтлегеңә тагын да игътибарлырак булырга чакыра. Магнит давыллары булганда, баш авырту, активлык кимү, кан басымы күтәрелү, хроник авырулар көчәю күзәтелә. Димәк, апрель "давыл"ларына да алдан әзер булып тору кирәк.