Акча түләмәгәннәргә штраф яный
Һәр елдагыча, ноябрь аеның өченче якшәмбесендә авыл җирлекләрендә үзара салым акчасын җыю буенча референдум узачак. Әйтергә кирәк, Тукай районында әлеге салым акчасы, башка күрше районнар белән чагыштырганда азрак күләмдә җыела. Ә бит бу акчалар дәүләттән, бишкә тапкырланып, ягъни тагын дүрт өлеш өстәлеп, кире шушы авыл җирлегенә әйләнеп кайта. Халык үзара сөйләшеп, киңәшләшеп, бу сумманы бары тик үз авылына яисә үз урамына гына да тота ала, яисә тулаем авыл җирлеге өчен дә юнәлтеп була. Һәр эш шушы җирлек кешеләре инициативасы белән башкарыла. Шулай да бу мөмкинлектән бар кеше дә файдаланмый. Таблицада кайсы авыл җирлегендә күпме салым җыелганлыгы күренә.
Моңарчы әле салым акчасын бирмәүчеләргә бернинди дә санкцияләр кулланылмый иде. Быелдан исә мондый кешеләрне административ җаваплылыкка тартырга мөмкиннәр. Татарстан Республикасының административ хокук бозу турындагы Кодексының 2.6 маддәсе нигезендә, җирле үзидарә органнарының муниципаль хокукый актларын үтәмәүчеләргә штраф яный. Гражданнарга – 1000-2500 сум күләмендә, вазифадагы затларга – 15 меңнән алып 30 мең сумга кадәр һәм юридик затларга – 200 меңнән алып 500 мең сумга кадәр штраф каралган. Әгәр дә бер ел эчендә тагын административ җаваплылыкка тартылса, штраф суммасы арта: гражданнарга – 2500-5000 сум, вазифадагы затларга – 30-50 мең сум һәм юридик затларга – 500 меңнән алып 1 миллион сумга кадәр. Административ хокук бозу турындагы беркетмәне исә авыл җирлеге башлыклары үзләре яисә авыл җирлеге башкарма комитеты җитәкчесе урынбасарлары төзи ала.
Шунысы да бар, үзара салым акчасы суд аркылы да алына ала. Чөнки җирле референдум карарлары нигезендә, үзара салым акчасы мәҗбүри булып тора. Һәм моны түләмәгән очракта, Россия Федерациясе Гражданлык процессуаль кодексының 122нче маддәсе нигезендә, түләнмәгән акчаларны алу турындагы суд карары чыгарыла.
Узган ел референдум 19 ноябрь көнне уздырылды. Авыл җирлекләре үзара салым акчасын 200-300 сум дип билгеләгәннәр иде. Бер авыл җирлеге исә 100 сум гына җыйды. Районда агымдагы елда үзара салым акчасы барлыгы 4 миллион сумнан артык тупланды. Шушы сумма яңадан авыл җирлекләренә 21 миллион сум булып кайта. Ә 2019 елгы салым күләмен авыл җирлекләре быел көз билгели һәм референдум көнендә – 18 ноябрьдә үзара тавыш бирү юлы белән кабул итә.
|
Авыл җирлеге |
2018 елда |
Планлаштырылган |
|
Әҗмәкәй Бәтке Биклән Боерган Борды Иштирәк Калмаш Калмия Кнәз Комсомол Круглое Поле Күзкәй Мәләкәс Мусабай Завод Түбән Суыксу Новотроицкое Сәмәкәй Иске Абдул Иске Дөреш Теләнче Тамак Шилнәбаш Яңа Бүләк |
477 800 202 300 228 500 152 400 112 400 99 500 200 100 88 500 211 700 120 000 462 900 254 000 365 850 143 700 255 000 181 700 80 600 117 400 86 200 219 100 121 000 87 300 |
83 69 100 95 100 100 100 60 34 100 100 100 59 100 86 53 84 100 100 90 72 100 |
Фото Әҗмәкәй авыл җирлегеннән бирелде.
Следите за самым важным и интересным в Telegram-каналеТатмедиа
Нет комментариев