Агач утырттылар

Зират бит безнең мәңгелек йортыбыз, һәркемнең гаиләсенә кагыла торган изге урын. Язын җыелып зиратларны чистарту, төзекләндерү бездә гадәткә кергән. Авыл ирләре бу юлы да бер гаиләдәй эшкә алынып, зират тирәли яшь үсентеләр утырттылар. Өмәдә зират караучы Григорий Соловьев, авылдашларыбыз Геннадий Адылев, Олег Клементьев, Иван Адылев, Вячеслав Артемьев, Федор Васильев, Данил Ушаков, Петр Султанов, Геннадий Алексеев, Александр Ушаков эшләделәр. Изге эшләре үзләренә савап булып кайтсын аларның. Авыл халкы бу игелекле затларга бик рәхмәтле калды. 

Авыл халкы исеменнән хезмәт ветераны Анна Захарова. 

Фото Роза Әбделмановадан алынды.