Районыбыз футболчылары сынатмады

Балалар һәм яшүсмерләр спорт мәктәбендә футбол ярышлары узды. Барлыгы чарада 10 команда составында 110 спортчы катнашты.
Зонада үткәрелгән ярышларда җиңгән футболчылар Бикләндә финал уенын уйнады. 1996-1997, 2000 елларда туган һәм аннан да яшьрәк балалар арасында чемпион исемен Круглое Поле командасы (тренер-укытучы Л. Гыйльманова) алды. II урынны Яңа поселогы спортчылары (И. Нәҗмиев) яулады. Ә III урынны исә Биклән, Мәләкәс һәм Кнәз командалары (Р. Исмагилов, В. Артемьев, В. Белов җитәкчелегендә) бүлеште. Җиңүчеләргә кубоклар һәм грамоталар тапшырылды.