Мини-футбол буенча зональ ярышлар үтә

Мини-футбол буенча II Спартакиаданың зональ туры быел безнең районда үтә. Ярышлар иртәгә Сосновый Бор поселогының «Яшьлек» спорт комплексында һәм Яңа поселогының балалар-яшүсмерләр спорт мәктәбендә уздырылачак. Командалар 2002-2003 елгы мәктәп укучыларыннан төзелгән. Безнең районнан егетләр командасында - Круглое Поле мәктәбе укучылары, кызлар командасында Яңа поселогы мәктәбе үсмерләре. Кунак командалар исә Яр Чаллыдан һәм Сарман, Актаныш, Алабуга, Әгерҗе, Зәй, Мамадыш, Менделеевск, Минзәлә районнарыннан. Егетләр һәм кызлар арасыннан җиңүче командалар республика күләмендә көч сынашачак.