Каратэчыларның нәтиҗәләре мактанырлык

Сосновый Бор поселогында каратэ буенча узган район беренчелегендә безнең районнан, Яр Чаллы һәм Түбән Кама шәһәрләреннән барлыгы 133 спортчы катнашты. Каратэның кумитэ төрендә 8-9 яшьлекләр арасында Руслан Чекушев беренче урынга чыкты. 10-11 яшьлекләр категориясендә Никита Капитонов - беренче. Каратэның ката төрендә 8-9 яшьлек каратэчы кызлар арасында беренче урынны - Эльвина Дë, ә 10-11 яшьлекләрдән Э. Хабибуллина яуладылар, дип хәбәр иттеләр район яшьләр эшләре, спорт һәм туризм бүлегеннән.