«Әниләргә мәдхия» конкурсының тавыш бирү этабы башланды

Газета сайтында «Әниләргә мәдхия» конкурсы катнашучыларына тавыш бирү башланды. Сайтның уң як колонкасында сез үзегезнең күңелегезгә хуш килгән әниләргә үз тавышыгызны бирә аласыз. Җиңүчеләрне ачыклауда шулай ук комментарийлар да зур роль уйный. Катнашучы турында язылган материалга комментарий калдырып, өстәмә 10 балл алып була. Көненә бер IP адрестан бер генә комментарий калдырып була. Көн дә язарга мөмкин. Җиңүчеләрне исә икенче атнага дүшәмбе ачыклаячакбыз.

Ә җиңүчеләрне бик шәп бүләкләр көтә. I урынга - зур таба, II белән III урынга лаек булучыларга исә - 7 салат савытыннан торган җыелма.

Катнашучыларга уңышлар телибез!!!