Сөтне ничек эшкәртәләр?

Пастеризацияләнгән сөт. Сөтне 15-30 минут 60-70 °Ска кадәр җылыталар. Болай эшкәртелгәндә аның әчү процессы тоткарлана, ә файдалы микроорганизмнары кала. Мондый сөт 36 сәгатьтән артык сакланмый.

Стерильләштерелгән сөт - 115-135 °Ска кадәр җылытып әзерләнә. Болай эшкәртелгәндә витаминнар саклана, әмма тере споралар һәм бактерияләр, шул исәптән организм өчен файдалылары да үлә. Аның кыйммәте пастеризацияләнгән сөттән түбәнрәк.

Кайнатылган сөт. Мондый сөт озак вакыт 95-99 °Ска кадәр җылытып ясала. Нәтиҗәдә аның тәме һәм төсе үзгәрә. Анда майлар пастеризацияләнгән сөттәгедән күбрәк, ә С витамины азрак.