Якты юл
  • Рус Тат
  • Колорадо коңгызына каршы халык чарасы бармы?

    Узган гасыр урталарыннан бирле без бәрәңге үстергәндә колорадо коңгызын, аның личинкаларын җыеп интегәбез. Химик чараларның исәбе-хисабы юк, кибет киштәләре тулган. Тик аларның кешегә зыяны да шактый. Шуңа күрә гади генә халык чараларын кулланып карагыз әле.

    Колорадо коңгызы ылыс исен яратмый икән. Бәрәңге арасына ылыслы агач ботаклары салып, ылыс сибеп чыгарга була. Ылыслы агачтан калган пычкы чүбен бәрәңге араларына салырга да мөмкин. Аны ике атна саен яңартып тору хәерле. 
    Колорадо коңгызы әрем һәм агач көле төнәтмәсеннән дә курка икән. Рецепты гади – әрем ботакларына бер стакан агач көле салып, кайнар суда алты сәгать төнәтергә кирәк. Шуны сөзеп, 1 өлеш төнәтмәгә 10 өлеш су өстәргә. Эремә бәрәңге яфракларына ябышсын өчен, бераз сыек сабын өстәп, үсемлекләргә сибеп чыгарга була.
    Үсемлекләрне мондый эремә белән коры көнне эшкәртергә кирәк.
    Кайсыбер бакчачылар колорадо коңгызына каршы хлорлы көнкүреш химиясен дә куллана. Хлор бөҗәкләрне дә үтерер, тик үсемлекләргә дә зыян килер. Хлор куллануның кеше организмына да файдасы булмас.
    www.intertat.ru

    Нравится
    Поделиться:
    Реклама
    Комментарии (0)
    Осталось символов: