Хуҗабикәгә

Кызыл карлыган кайнатмасы

Кызыл һәм ак карлыганнан гадәттә желе, компот һәм соклар әзерлиләр. Кызыл яки ак карлыганнан кайнатма әзерләргә булсагыз, аны өч мәртәбә кайнатырга кирәк.

1 кг кызыл яки ак карлыган, 1,5 кг шикәр комы (карлыган әче булса, 1,7 кг), 2 ст. су.

Юылган карлыганны тәлгәшеннән аерырга һәм кайнар сироп коеп, 6-8 сәгать тотарга. Аннан дуршлагка салып, сиробын агызырга. Аны кайнау температурасына җиткәнче утта тотарга. Сиропны уттан алып 10-15 минут үткәч, карлыган салырга һәм кайнатманы сүрән утта әзер булганчы кайнатырга. Әзер кайнатманы салкын суда тиз генә суытырга һәм банкаларга тутырырга.

***

1 кг кызыл яки ак карлыган, 1,5-1,7 кг шикәр комы, 2 ст. су.

Карлыганны кайнап торган сиропка салып, сүрән утта 5 минут кайнатырга. Бераз суынгач, кабат утка куярга һәм 8-10 минуттан соң алырга. 15 минут үткәч, өченче мәртәбә кайнатма әзер булганчы кайнатырга.

***

1 кг кызыл яки ак карлыган, 1,5-1,7 кг шикәр комы.

Карлыганга шикәр комы сибеп, 6-8 сәгатькә салкын урынга куярга. Кайнатманы берничә мәртәбә 5-8әр минут кайнатырга. Ике кайнату арасындагы вакыт - 8-10 минут.

Слива кайнатмасы

1 кг кара слива, 1,2 кг шикәр комы, 0,5 ст. су.

Юылган сливаның төшен алырга. Сироп әзерләргә. Кайнар сиропны җимешләр өстенә коярга. 4-5 сәгатьтән соң сүрән утка куеп, кайнатып чыгарырга һәм 10 минут утта тотарга. Суытырга һәм тагын бер мәртәбә әзер булганчы кайнатырга.

Караҗиләк (черника) кайнатмасы

1 кг караҗиләк, 1,8-2 кг шикәр комы.

Караҗиләкне иттарткыч аша үткәреп, шикәр комы сибәргә. Берничә сәгатьтән соң утка куеп, шикәре эрегәнче тотарга. Кайнатып чыгарырга кирәкми. Кайнатманы банкаларга тутырып, өстенә шикәр комы сибәргә һәм капкач капларга.