«Бәйрәм» бутерброды

Кирәк: 1 озын батон (багет), 1 банка шпрот, 100 г каты сыр, 2 аш кашыгы майонез, 1 тырнак сарымсак, черри помидорлары, петрушка.

Консервны ачып, шпротны маеннан алып, салфетка өстенә куеп торырга.

Сырны вак угычтан уарга.

Майонезга уылган яки изелгән сарымсак кушарга.

Багетны телемнәргә турарга, сарымсаклы майонез ягарга һәм коры табага тезәргә. Һәр батон кисәгенә 2шәр шпрот куярга һәм угычтан уылган сыр сибәргә. Бутербродны 180 °С кызулыктагы духовкага сыры эрегәнче 6-7 минутка куеп алырга. Табынга чыгарганда, петрушка яфрагы һәм урталай киселгән черри помидоры белән бизәргә була.