Тукайлыларны янгын куркынычсызлыгына багышланган кагыйдәләр белән таныштыралар

Тукай районының «Шафкатъ» халыкка социаль хезмәт күрсәтү үзәге белгечләре 55нче янгынга каршы көрәш часте инспекторлары белән берлектә җәмгыять өчен куркыныч тудырырга мөмкин гаиләләрдә махсус инструктаж үткәрде. Бүгенге көнгә янгын чыккан очракта үз-үзеңне тоту, көнкүрештә газ җайланмалары белән эш итү кагыйдәләре, гадәттән тыш хәлләр хезмәте телефоннары язылган кәгазьләр 32 гаиләнең 17 сенә таратылган. Гаиләләрдә өйдә үз-үзеңне дөрес тоту кагыйдәләре, балалар өчен куркынычсыз мохит булдыру турында әңгәмәләр үткәрелә. Бу эшне март азагына төгәлләү планлаштырыла