Якты юл
  • Рус Тат
  • Татарстан президенты Рөстәм Миңнеханов Тукай районының Биклән авылында яшәүче сугыш ветеранына медаль тапшырды (фото)

    Бүген, 21 февраль көнне Кремльдә Татарстан республикасы Президенты Рөстәм Миңнеханов "1941-1945 еллардагы Бөек Ватан сугышында Җиңүгә 70 ел "юбилей медальләрен тапшырды. Тантанага Тукай районынан Биклән авылында яшәүче Шәйхлислам Халик улы Кәримов барды. Шәйхлислам ага 1944 елны Кызыл Армия сафларына хезмәт итәргә китә. Мәскәү янындагы Сокольники шәһәрендә элемтәче һөнәрен үзләштерә. Армиядә...

    Бүген, 21 февраль көнне Кремльдә Татарстан республикасы Президенты Рөстәм Миңнеханов "1941-1945 еллардагы Бөек Ватан сугышында Җиңүгә 70 ел "юбилей медальләрен тапшырды. Тантанага Тукай районынан Биклән авылында яшәүче Шәйхлислам Халик улы Кәримов барды.

    Шәйхлислам ага 1944 елны Кызыл Армия сафларына хезмәт итәргә китә. Мәскәү янындагы Сокольники шәһәрендә элемтәче һөнәрен үзләштерә. Армиядә 354 Запас укчылар полкында элемтәче булып хезмәт итә. Кутаиси шәһәрендәге сугышлардаа катнаша, Украина, Белоруссияне үтә. 1945 елны " Хөкүмәт элемтәсенең 6 Линияле Аерым полкы" элемтәчесе була.

    "Татар-информ" МА хәбәр итүенчә, Рөстәм Миңнеханов ветераннарны якынлашып килүче бәйрәм белән котлады. "Ватанны саклаучылар көнендә без күп милләтле илебезне тышкы һәм эчке куркынычлардан саклаучыларны хөрмәтлибез. Каһарманнарны искә алабыз, ата-бабаларыбызны зурлыйбыз", - дип билгеләп үтте ТР Президенты. Аның сүзләренчә, Россия тарихында Ватанга тугрылыклы хезмәт итүгә мисаллар бик күп. Әмма иң күп батырлыклар Бөек Ватан сугышы елларында кылынган.

    Илледән артык ветеран медальгә лаек булды. Алар арасында Советлар Союзы Герое Борис Кузнецов; ТР Сугыш һәм хәрби хезмәт ветераннары иҗтимагый оешмасы рәисе Әхәт Юлашев; ТР Элеккеге балигъ булмаган фашист концлагерьлары тоткыннары иҗтимагый оешмасы рәисе Рәхилә Габдуллина; "Бөек Ватан сугышы ветераннары - блокадада калган Ленинградта яшәүчеләр" Казан шәһәр иҗтимагый оешмасы рәисе Антонина Рухлова бар. Шулай ук инвалидлар, сугышта катнашучылар, тыл хезмәткәрләре, концлагерь тоткыннары, хәрби хезмәткәрләр дә билгеләп үтелде.

    Чара истәлеккә фотосурәткә төшү белән тәмамланды.

    Фотосурәт prav.tatarstan.ru сайтыннан алынды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: