Көн үзәгендә
Соңгы кыңгырау бәйрәме белән !
Хөрмәтле чыгарылыш сыйныф укучылары! Сезне соңгы кыңгырау бәйрәме белән котлыйм. Әле кайчан гына сез, нәни кызлар һәм малайлар, мәктәп бусагасын атлап кергән идегез, инде олы тормыш юлына аяк басар вакытыгыз килеп җитте. Урта белем турында аттестат алырга санаулы гына көннәр калуына сөенсәгез дә, бергә укыган сыйныфташларыгыздан, унбер ел буе белем...
Хөрмәтле чыгарылыш сыйныф укучылары! Сезне соңгы кыңгырау бәйрәме белән котлыйм. Әле кайчан гына сез, нәни кызлар һәм малайлар, мәктәп бусагасын атлап кергән идегез, инде олы тормыш юлына аяк басар вакытыгыз килеп җитте. Урта белем турында аттестат алырга санаулы гына көннәр калуына сөенсәгез дә, бергә укыган сыйныфташларыгыздан, унбер ел буе белем биргән укытучыларыгыздан аерылу җиңел түгел. Хәзер сезнең алда зур сынау - имтиханнар тапшыру, күңелегезгә якын һөнәр сайлау һәм шуның буенча укуыгызны дәвам итү. Сүз дә юк, сезнең аттестатка төп билгеләрне тормыш үзе куячак. Әлбәттә, барыр юлыгызда сезгә мәктәптә алган белемнәрегез, игелеккә өйрәткән әхлак дәресләре ярдәм итәчәк. Киләчәктә сез, кем булсагыз да, районыбызны, белем биргән укытучыларыгызны онытмагыз. Сез - безнең киләчәгебез. Зур тормыш юлында очраган сынауларны, авырлыкларны җиңәргә ихтыяр көчегез нык, сабырлыгыгыз зур булсын. Барлык уй һәм хыялларыгыз тормышка ашсын. Киләчәгегез дә бүгенгедәй матур булсын. Барыгызга да сәламәтлек, бәхет һәм алдагы тормышыгызда уңышлар телим. Хәерле юл сезгә, укучылар!
Следите за самым важным и интересным в Telegram-каналеТатмедиа
Нет комментариев