Район яшьләре слетка җыелды

автор, 25 февраль 2012 - 08:54

868

25 февральдә районда яшьләр слеты үтте. Анда өлкән сыйныф укучылары, район оешмаларында, предприятиеләрендә эшләүче яшьләр, авыл җирлекләре башлыклары, мәктәп директорлары, хакимиятнең бүлек башлыклары катнашты.

Форумда муниципаль район башлыгы Васил Хаҗиев, ТР яшьләр оешмалары Советы рәисе урынбасары Руфия Мөхәммәдиева һ.б. чыгыш ясады.

Яшьләр слетында һөнәр сайлау, тормышта үз урыныңны табу, авыл җирлегендә эшмәкәрлекне үстерү, мәгълүмати технологияләрдән киң файдалану, авыл яшьләре өчен төзелгән программаларда актив катнашу турында җитди сөйләшү булды.