Инвалидны эшкә алмасаң – штраф салалар

Халыкның мәшгульлегенә, социаль яклауга кагылышлы законнарга һәм РФнең Административ хокук бозулар турындагы кодексының инвалидларны яклау һәм аларны эш белән тәэмин итүгә караган өлешенә үзгәрешләр кертелде.

Хәзер эш бирүчеләр инвалидлар өчен махсус эш урыннары булдырырга, бу урыннар турындагы мәгълүматларны үз эченә алган боерык һәм күрсәтмәләр чыгарырга бурычлы.

Мондый эш урыннары булдырмаган, инвалидны эшкә алудан баш тарткан вазыйфаи затка РФнең Административ хокук бозулар турындагы кодексының 5.42 маддәсе буенча 5 меңнән 10 мең сумга кадәр штраф салына.

Инвалидны эшсез буларак теркәүдән баш тарткан очракта да вазыйфаи зат 5 меңнән 10 мең сумга кадәр штрафка тартыла.