Василий Абрамов: «Тормыштан зарланмыйча, тырышып яшәргә кирәк»
Сугыш елларының ачы җилләре аның балачагын иртә урласа да, күңелендәге яктылыкны сүндерә алмаган. Казиле авылында яшәүче 95 яшен тутырган хезмәт ветераны Василий Абрамов бүген дә сафта: аның һәр сүзендә — тормыш тәҗрибәсе, һәр карашында — туган туфракка рәхмәт хисе. Василий дәдәй тормыштан зарлана торганнардан түгел, ул һәрвакыт тырышып яшәргә өйрәнгән. Бүген ул — оныкларының яраткан бабасы һәм авылдашлары өчен чын хезмәт үрнәге.
