25 август 2021 яңалыклары

25 август 2021

Исеме җисеменә туры килә

Районда юлларны төзекләндерү, яңаларын салу буенча соңгы елларда байтак эш башкарылды. «2021 елга Тукай муниципаль районы авыл җирлекләре чикләрендә урнашкан гомуми файдаланудагы автомобиль юлларының урам-юл челтәрен төзү» программасы буенча Мусабай-Завод авылының Киров урамында 1,172 км озынлыкта асфальт юл салынды. Бу эш 9,7 млн сумга төште.

25 август 2021

Авыл хуҗалыгын микро-исәпкә алу ничек бара?

Август аенда илебездә авыл хуҗалыгын микро-исәпкә алу (авыл хуҗалыгы микро-җанисәбе – 2021), ягъни авыл хуҗалыгы продукциясе җитештерелә торган җир участокларына ия булган, аларны арендалаучы яки файдаланучы, шулай ук терлекләре асраучы юридик һәм физик затларны исәпкә алу үткәрелә. Авыл хуҗалыгы оешмалары, крестьян-фермер хуҗалыклары, шәхси эшмәкәрләр, коммерцияле булмаган ширкәтләр, шәхси ярдәмче хуҗалыклар турындагы мәгълүмат тоташ күзәтү юлы белән җыелачак. Тукай районында респондентлар саны 100дән артык. Алардан мәгълүмат Яр Чаллы дәүләт статистика бүлегендә электрон формада һәм кәгазьдә кабул ителә.

25 август 2021

Алкоголь гаеплеме?

Дүшәмбе көнне иртән Югары Суыксу авылында ике ир-атны үтерү очрагы турында коточкыч хәбәр килде. Урынга район прокуроры Айрат Галимәрдәнов чыкты. Аның белдерүенчә, әлеге ир-егетләр шушы җирлектә урнашкан бер предприятиедә эшләгәннәр. Мөслим районыннан килгән булганнар. Берсенә 46, икенчесенә 52 яшь булган. Кәеф-сафа корып утырганда шулай ук шунда эшләүче 36 яшьлек ир-ат белән сүзгә килгәннәр. Өченчесе башта бер шешәдәшенең муенына пычак кадаган, аннары качып барганда икенчесен куып тотып үтергән.

25 август 2021

Йорт түбәсен яшен суккан

25 август 2021

Уңыш өчен көрәш дәвам итә

Район кырларында бөртеклеләрне урып-җыю төгәлләнсә дә, әле тамыразыкларны, яшелчәләрне җыеп аласы бар, кукуруз өлгерде. Димәк, уңыш өчен көрәш дәвам итә. Без район авыл хуҗалыгы һәм азык-төлек идарәсе башлыгы Рәшит Хәбетдинов белән алда торган эшләр хакында сөйләшеп алдык.