Хөрмәтле төзүчеләр! Кадерле төзелеш тармагы ветераннары!
Сезне һөнәри бәйрәмегез – Төзүчеләр көне белән ихлас котлыйм! Төзүче – күп гасырлар дәвамында мактаулы да, җаваплы да һәм хөрмәткә лаек һөнәр булып санала. Сез Тукай районы үсешенә, төзеклегенә саллы өлеш кертәсез. Соңгы елларда районда төзелеш эшләренең үтә җанлануы күзәтелә. Ел саен федераль, республика һәм җирле программалар буенча миллиард сумнан артык инвестицияләр үзләштерелә, тукайлыларга дистәләгән еллар хезмәт итәчәк йортлар, балалар бакчалары, спорт мәйданчыклары, парклар төзелә, юллар салына, инженерлык челтәрләре төзелә.
