12 гыйнвар 2020 яңалыклары

• 12 гыйнвар 2020

  Чәкчәк пешерү рецепты

  Узган ел үткәрелгән «Йолдызлы чәкчәк» конкурсында катнашучылар чәкчәктән әзерләнгән төрле кызыклы композицияләр белән таң калдырдылар. Ул вакытта чәкчәк пешерү бәйгесендә күбрәк өлкән һәм уртача яшьтәге ханымнар катнашты. Быел милли ризыгыбызның ярыш мәйданына яшь киленнәрне, җиткән кызларны да чакыру ниятләнә. Яңа өйрәнүчеләр өчен чәкчәк пешерүнең бер үрнәген тәкъдим итәбез. 

  
• 12 гыйнвар 2020

  Прокурор сүзе – закон 

  12 январьда прокуратура хезмәткәрләре көне билгеләп үтелә. 1722 елны, шушы көнне, Петр I указы белән Генерал-прокурор посты барлыкка китерелә. Прокуратура «эштә тәртипсезлекләр булу сәбәпле дөрес хөкем итмәү, ришвәтчелек һәм законсызлыкны бетерү яки яманлыкны тыю» нияте белән төзелә.  Күп кенә үзгәрешләрдән соң РФ прокуратурасы властьның бер тармагына да кермәгән мөстәкыйль дәүләт органы булып формалаша. Гражданнар прокуратура хезмәткәрләренә йортларны сыйфатсыз ремонтлаудан алып хезмәт хакларын тоткарлауга кадәр булган төрле-төрле проблемаларны уңай хәл итү өчен мөрәҗәгать итәләр. 2019 ел нинди резонанслы вакыйгалар белән истә калды? Чиновникларга законсыз рәвештә бирелгән җир кишәрлекләрен кире кайтарып алу мәсьәләләре ничек тора? Тукайлылар закон бозуларның нинди очракларыннан зарланалар? Болар хакында район прокуроры, юстиция өлкән киңәшчесе Айрат Галимәрдәнов сөйләде.

  
• 12 гыйнвар 2020

  Тырышкан табар, ташка кадак кагар

  Казанда үткәрелә торган Президент чыршысына район, республика күләмендә зур уңышларга ирешкән мәктәп укучылары барды. Ел саен уздырыла торган бу күркәм чарада безнең районнан уку отличниклары, фән олимпиадаларында призлы урын алган, җәмәгать тормышында һәм төрле чараларда актив катнашкан, район, шәһәр һәм республика күләмендә оештырылган төрле бәйгеләрдә активлык күрсәткән, спорт өлкәсендә җиңү яулаган – бар яктан да үрнәк булган 22 укучы чакырылган иде. Алар арасында Мәләкәс урта гомуми белем мәктәбе укучылар советы президенты Вера Солдатова да бар иде.