Олуг юбилее белән тәбрикләделәр

Шушы көннәрдә Тукай районы картлар һәм инвалидлар интернат-йортында гомер итүче тыл хезмәтчәне Шәйхеләгъзам Шәйхразиев 90 яшьлек олуг юбилеен билгеләп үтте. Россия Федерациясе Президенты Владимир Путинның котлау открыткасын, шулай ук күчтәнәчләрне юбилярга район башлыгы вазифаларын башкаручы Рөстәм Закиров, социаль яклау идарәсе җитәкчесе Гөлнара Шәфыйкова, шулай ук район ветераннар советы һәм инвалидлар оешмасы рәисе Галимҗан Зарипов тапшырдылар, изге теләкләрен җиткерделәр. Интернат-йорт коллективы һәм анда тәрбияләнүче әби-бабайлар исеменнән юбилярны оешма җитәкчесе Фәйрүзә Муллина котлады, дип хәбәр итәләр безгә Тукай районы картлар һәм инвалидлар интернат-йортыннан.