Яшелчә орлыклары кайтартканнар

"Чаллы яшелчәсе" хуҗалыгында әлеге көннәрдә теплицаларны төзекләндерү эшләре алып барыла. Февраль башыннан әлеге эшләрне барлыгы 5 кеше башкара. Эшчеләр теплицаларның түбәләрен алыштыралар, тимер конструкцияләрдә төзексезлекләрне табып, аларны эретеп ябыштыралар, ремонтлыйлар. Яңа чәчү сезонына "Чаллы яшелчәсе" кишер, аш чөгендере, кәбестә орлыкларын да кайтартып, әзерләп куйган. "Голландиядән 1 млн 100 мең сумлык 50 гектар җиргә чәчеләчәк кәбестә орлыгы, Краснодардан 40 гектар җирдә игеләчәк 400әр мең сумлык чөгендер, кишер орлыкларын кайтардык", - дип хәбәр итте хуҗалык җитәкчесе Ришат Хатыйпов.