Законсыз рәвештә аракы сатучылар турында хәбәр итеп акча эшләргә була

ТР Хөкүмәтенең «Халык контроле» порталына алкоголь һәм спиртлы эчемлекләрнең законсыз әйләнеше хакында хәбәр юллаучыларга 1000нән 3000 сумга кадәр күләмдә акча түләнә башлады. Мәсәлән, Минзәлә районының бер авылында стационар булмаган сәүдә объектында сыра продукциясе сату турында хәбәр итүче, факт чыннан да раслангач, 2000 сум акча алуга иреште.

ТР Дәүләт алкоголь инспекциясенең Яр Чаллы территориаль бүлеге тукайлыларны да бу проблемага битараф булмаска чакыра. Хәбәрләрне «Халык контроле» сайтыннан тыш, территориаль бүлекнең үзенә 8 (8552)71-43-03 кайнар телефоны аша да җиткерергә була.