Яз кызы – Нәүрүзбикә дә килеп җитәр!

Шушы матур гадәтләрне искә алып без дә Яңа Бүләк мәдәният йорты янында бу матур
бәйрәмне үткәрергә булдык, авылыбыз мәктәбе укучылары белән өйдән-
өйгә йөреп төрле әйтемнәр әйтүне дә өйрәндек һәм бәйрәм барышында
бу матур гадәтне килгән тамашачыга җиткерергә тырыштык. Бәйрәм
рухына уралып җырлап- биеп тә күңел ачтылар бәйрәмгә килгән һәрбер
тамашачы һәм катнашучы балалар да.
“Ай-яй-яй! Бу нинди хәл тагын! Минем рөхсәтемнән башка нинди
бәйрәм тагын, ә-ә, Яз кызы – Нәүрүзбикәне каршы аласызмени?
Оныттыгызмыни, әле яңа гына мине – Кышны каршы алган идегез!”- дия-
дия Кыш Бабай да килеп керде әле бәйрәмебезгә! Яз кызы – Нәүрүзбикә
генә сынатмады “Әйдә булмаса, Кыш бабай көчебезне сынап карыйк!”-
диеп бау тартышырга тәкъдим ясады, билгеле Яз кызы- Нәүрүзбикә
ярышта җиңде шул, чөнки “Яз “ көннән – көн яңа көч һәм ныклы адымнар
белән атлый, ә Кыш Бабай җиңелүен танып китәргә мәҗбүр булды. Яз
кызы Нәүрүзбикә балалар белән төрле кызыклы уеннар уйнады, килгән
һәрбер кеше ялындырып та тормыйча җырлап – биеп күңел ачтылар. Ә
инде соңыннан барлык катнашучылар кайнар коймак һәм тәмле чәй
белән сыйландылар, уеннарда катнашучыларга татлы призлар да
таратылды. Нәүрүз - яз бәйрәме, яшьлек бәйрәме! Нәүрүз бәйрәме
тарихның үзе кебек үк борынгы, безнең көннәргә ерак гасырлардан
килгән. Ул халкыбызның озын- озын юллар узуын исебезгә төшерә...
Кабат югалтмыйк без бу бәйрәмне, хәтерен югалтканнар- хыялын да
югалта! Нәүрәз котлы, мөбәрәк булсын, дуслар, туганнар! Барчабызга
бәхет- шатлык, ныклы сәламәтлек алып килсен быелгы язлар!
Табыннарыбыз мул, илләребез тыныч булсын!

Дилбәр Гыймазетдинова – Яңа Бүләк мәдәният йорты директоры.