Төмәндә төнлә зур кибет бинасы янып беткән

Янгын башланып бер сәгать үткәннән соң, кибетнең түбәсе җимерелеп төшкән.

Социаль челтәрләрдә Төмән гипермаркетындагы төнге янгынның видеосы чыкты. Кремль урамында урнашкан Rich Family кибетенең бер катлы бинасы янып беткән.

Төн уртасында Кремль урамында урнашкан Rich Family кибетенең бер катлы бинасында янгын чыккан. Ялкын мизгел эчендә бинаны камап алган. Янгын башланып бер сәгать үткәннән соң, кибетнең түбәсе җимерелеп төшкән.

Башлангыч мәгълүматларга караганда, янгын өч мең квадрат метр мәйданны юк иткән. Зыян күрүчеләр юк.