Телевизорлы булыйм дисәң – газетага языл!

2017 елның беренче яртысына газета-журналларга язылучылар өчен «ТАТМЕДИА» акционерлык җәмгыяте «Абунәчегә - телевизор!» дигән акция үткәрә. Призлар уйнатуда катнашу өчен абунәче 2016 елның 20 октябреннән 2017 елның 20 январена кадәр бер адреска «ТАТМЕДИА» АҖнең өч яки аннан күбрәк басмасына язылырга тиеш. Язылу почтада, редакциядә яки Интернет аша (шул исәптән дәүләт хезмәтләре порталында да) башкарылырга мөмкин. Һәр басманың алты айдан да ким булмаган вакытка рәсмиләштерелүе шарт. Абунәченең исем-фамилиясе, басмалар исеме, абунә чоры һәм суммасы күрсәтелгән абонементның күчермәсе яки Интернет квитанциясе,«Акция» дип билгеләнеп, 420066, Казан шәһәре, Декабристлар ур., 2 йорт адресы буенча яки podpiska@tatmedia.ru электрон адресына җибәрелергә тиеш. Төп приз - 28 мең сумлык телевизор. Шулай ук абунәчеләр өчен 3 данә цифрлы фотоаппарат, 10 данә савыт-сабалар җыелмасы һәм 45 данә истәлекле бүләк әзерләнә. Призларны уйнату көне - 2017 елның 17 феврале. Җиңүчеләргә бүләкләр 20 марттан да соңга калмыйча тапшырыла.