Татарстанда юлда ике машина бәрелешеп, өч кеше һәлак булган

"Лада Гранта" йөртүчесе, аның улы һәм салондагы пассажир хатын үлгән.

Алабуга районындагы юл һәлакәтендә өч кеше һәлак булды, дип хәбәр иттеләр "Татар-информ"га Гадәттән тыш хәлләр министрлыгы матбугат хезмәтендә.

Юлда "Лада Гранта" һәм "Рено Меган" бәрелешеп, "Лада Гранта" йөртүчесе, аның улы һәм салондагы пассажир хатын үлгән. Тагын 19 яшьлек пассажир егет җитди имгәнгән.

"Рено Меган" йөртүчесен аңсыз килеш, хастаханәгә озатканнар.

Урында эшләүче коткаручылар, янгын сүндерүчеләр машиналарның аккумуляторларын сүндергән, үлүчеләрне һәм имгәнүчеләрне машиналардан чыгарган.