Татарстанда 4 меңнән артык ата-ана балалары өчен пенсиягә өстәмә ала

Бу өстәмә түләү бала 18 яшькә җиткәнче саклана. Әгәр ул көндезге бүлектә югары яки урта һөнәри белем ала икән, түләү 23 яшькә кадәр дәвам итә. Әмма уку формасы читтән торып, дистанцион яки кичке формага күчсә, өстәмә исәпкә кертелми.

2026 елда түләү күләме бер балага — 3 194,90 сум, ике балага — 6 389,80 сум, өч һәм аннан күбрәк бала өчен — 9 584,69 сум. Өстәмә түләү эшләүче дә, эшләмәүче пенсионерларга да кагыла, ләкин эшләүчеләр өчен индексация кулланылмый.

18 яшьтән өлкәнрәк студентлар өчен өстәмә алуны рәсмиләштерү өчен уку йортыннан көндезге уку турында белешмә кирәк. Әгәр студент рәсми рәвештә эшли икән, аның ата-ана карамагында булуын раслаучы өстәмә документлар да соралырга мөмкин.

Белгечләр әйтүенчә, күп очракта бу түләүләр пенсионерның гаризасы нигезендә рәсмиләштерелә. Әмма 2024 елның 1 гыйнварыннан соң туган балалар турында мәгълүмат ЗАГС реестрларыннан автомат рәвештә алына, шуңа күрә кайбер очракларда мөрәҗәгать итү таләп ителми.

Татарстандагы Социаль фонд идарәсе хәбәр итүенчә, әлеге ярдәм чараларын рәсмиләштерү процессы җиңеләйтелгән һәм күп кенә мәгълүматлар автомат режимда тикшерелә.

Белешмәләр һәм консультацияләр өчен:
Социаль фондның Татарстан бүлеге контакт-үзәге — 8 800 100-0001
Рәсми сайт: http://sfr.gov.ru