Ташкичү авылы китапханәсендә Муса Җәлилнең туган көненә багышланган кичә узды

15 февраль көнне Ташкичү авылы китапханәсендә "Антым белән илне якладым" исемле әдәби кичә үтте. Кичә герой-шагыйрь Муса Җәлилнең дөньяга килүенә 110 ел тулу көненә багышланган. Китапханә мөдире Светлана Мөхәммәтнәбиева җыелган авылдашларын М.Җәлилнең тормыш юлы һәм иҗаты белән таныштырды. Ул шагыйрьнең иҗатын яңача яктыртып, сирәк яңгырый торган шаян шигырьләрен укыды. Баш өстендә палач балтасы торган хәлдә, шаян шигырьләр иҗат итә алуы М.Җәлилнең искиткеч рухи ныклыгын, зур батырлыгын күрсәтә. "Шатлык" клубы актив әгъзәсе Әлфия апа Галимова, җыелган кунакларны үзенең әнисе Мәсһүдә апаның Муса Җәлил турында язган шигыйрьләре белән таныштырды.

Фотографиядә Әлфия апа Галимова .