Район башлыгы игенчеләргә рәхмәт әйтте

- Көннәр буе кырда кызу кояш астында эшләгән игенчеләргә олы рәхмәтемне белдерәм, - диде район башлыгы Васил Хаҗиев дүшәмбе көнне хакимияттә үткән атналык киңәшмәдә. - Уңышны җыеп алу өчен шартлар яхшы, ләкин тракторчыларга, комбайнчыларга, машина йөртүчеләргә авырга туры килә, - диде ул.

Район башлыгы урып-җыюның тиешле темпларда алып барылуын билгеләп үтте. Ләкин, мондый һава торганда, янгын куркынычсызлыгына аерата игътибар бирергә кирәк, басуларда инде яну очраклары булды, бер төпчектән дә бөтен игенең юкка чыгарга мөмкин, дип кисәтте ул.