Полиция хезмәткәрләре «WhatsApp» аша шалтыратмыйлар

Мошенниклар зыян күрүчеләрдән дәүләт хезмәтләре сайтыннан килгән смс-кодларны атауны сорыйлар. Бу кодларны алгач, җинаятьчеләр кешенең дәүләт хезмәтендә булган шәхси кабинетына керә һәм мәгълүматларын карарга, шулай ук онлайн кредит продуктларын рәсмиләштерергә мөмкинлек ала. Мондый фактларны булдырмау максатыннан, шалтыратуларга җавап бирмәскә, бигрәк тә алар мессенджерларда, мәсәлән, «WhatsApp»та килсә һәм килгән смс-кодларны хәбәр итмәскә кирәк, бу сезнең шәхси мәгълүматларга керүне чикләячәк.

Күп кенә очракта гражданнарга банкларның, ФСБның, Эчке эшләр министрлыгының икътисади куркынычсызлык хезмәткәрләре исеменнән шалтыратулар килә. Мошенниклар гражданинга карата җинаять эше кузгатылганлыгы турында яки аның шәхси мәгълүматлары буенча мошенниклар кредит рәсмиләштерергә тырышалар дип хәбәр итә. Гражданга карата законсыз гамәлләргә юл куймау һәм банк счетларын саклап калыр өчен әлеге кредитларны үз исемеңә күчерергә һәм барлык акчаларны куркынычсыз счетларга күчерергә кирәк дип аңлаталар. Мондый төр мошенниклык белән шөгыльләнгән җинаятьчеләр мессенджерларда аралашалар, нигездә, «WhatsApp» кебек, хәтта формалы киемдә видеоэлемтә аша шалтыраталар һәм ялган таныклыкларның фотоларын җибәрәләр. Эчке эшләр министрлыгы, ФСБ һәм башка хокук саклау органнары хезмәткәрләре төрле мессенджерлар аша мошенникларны эзләү буенча мондый операцияләр ясамый. Хокук саклау органнары хезмәткәрләре гадәти кәрәзле элемтә аша шалтыраталар, мессенджерларда таныклыкларның фотоларын җибәрмиләр. Гадәттә гражданнарны полиция бүлегенә шәхси тикшерү яки оператив чаралар үткәрү өчен чакыралар.

Мошенниклык гамәлләреннән зыян күргән гражданнар категориясе актуаль һәм чагыштырмача яңа ысулга дучар. Зыян күрүчеләргә банкларның икътисади куркынычсызлык, ФСБ һәм Эчке эшләр министрлыгының хезмәткәрләреннән дип шалтыратулар ясала. Алар гражданнарга мошенникларга күчергән акчаларны кире кайтаруда ярдәм итә ала дип хәбәр итә. Акчаларын кире кайтару өчен, янаулар һәм шантаж юлы белән, зыян күрүчеләрне төрле җинаятьләр эшләргә мәҗбүр итәләр. Хәрби комиссариатларны, полиция бүлекләрен, дәүләт биналарын, электр челтәрләре пунктларын яндыру очраклары күзәтелә, бюллетеньнәрне буяу юлы белән сайлаулар өзелә. Әлеге категория гражданнар акчаларны җинаять эшен ачу һәм җинаятьчеләрне җинаять җаваплылыгына тарту белән генә кире кайтара алырга мөмкин икәнен аңларга тиеш.

Мондый шалтыратуларга ышанырга кирәкми, бу сезнең ситуацияне катлауландырырга гына мөмкин, чөнки сез үзегез җинаять эшли аласыз.