Новотроицкое авылында иҗат итүче «Новый век» ансамбле «Арт-регион» фестивале лауреаты исемен яулады

Фестивальдә катнашучы коллективлар хореография, вокал, инструменталь музыка, оркестр, нәфис сүз, үзенчәлекле һәм эстрада-цирк жанры, мода театры һәм кием дизайны, нәфис һәм декоратив-гамәли сәнгать, авторлык видеороликлар номинацияләре буенча чыгыш ясадылар. Район данын яклап, әлеге фестивальдә Новотроицкое авылында иҗат итеп килүче «Новый век» ансамбле чыгыш ясады. Ансамбль Новотроицкое авылы гимны дип саналган «Сердце земли моей» һәм тагын башка бер җыр башкарды. Моннан тыш «Вокал соло» номинациясендә шул ук Новотроицкое авылыннан Евгений Аниткин чыгыш ясады. Фестиваль нәтиҗәләре буенча «Новый век» ансамбле II дәрәҗәдәге лауреат исемен алды.