Качману бәйрәменә багышланган гыйбадәт үтте

Качману суы үзенең сыйфатын бер елдан артык югалтмый диләр. Дин тотучылар изге су белән дәваланалар, өйләрен изгеләндерәләр. Күңелләрен гөнаһлардан чистарту өчен махсус әзерләнеп куелган бәкеләрдә суга чумалар. Шунда ук гыйбадәт йолалары үткәрелә.

Шул уңайдан, Кнәз авылындагы Николай Чудотворец храмында, Качмануга багышлап, гыйбадәт үткәрелде. Башта чиркәүгә килгән кешеләр якыннарының сәламәтлеге өчен шәм куйдылар. Шулай ук күп кеше өйләреннән изгеләндерергә су алып килгәннәр иде. Рухани Павел, барысын да бәйрәм белән котлагач, дога укыды һәм суны изгеләндерде.

Кемдер изге су белән ишегалдында коенды, кемдер коенырга сулыкларга барды. Су - яшәү чыганагы, ул безгә барлык чирләрдән арынырга ярдәм итә, дип хәбәр итә Кнәз мәдәният йорты директоры Тамара Тузеева.

P. S. Күбрәк фотоларны «Вконтакте» социаль челтәрендәге «Якты юл» («Светлый путь») газетасының рәсми төркеменнән (http://vk.com/club54482574) карый аласыз. Безнең белән калыгыз!