Ихлас рәхмәтебезне әйтәбез

Районыбызда өлкәннәр ункөнлеге зур оешканлык, өлкән буынга чиксез рәхмәт, зур ихтирам хисләре белән үтте. Бу вакыт аралыгында күп төрле чаралар: спорт ярышлары, чәй өстәле янында күңелле сөйләшүләр, истәлек яңартулар, концертлар булды. Аларда 3,5 меңнән артык ветеран катнашты. Теләнче Тамак авылының картлар һәм инвалидлар интернат-йортында яшәүчеләргә аеруча зур игътибар күрсәтелде.

Район ветераннар (пенсионерлар) оешмасы ункөнлекне җан җылысы белән оештырган һәркемгә, һәр оешмага зур рәхмәтен белдерә. Аеруча Татарстан Республикасы Дәүләт Советы депутатлары Фоат Комаровка, Вадим Махеевка, Леонид Барышевка, «Татспиртпром» җәмгыяте җитәкчесе Ирек Миннәхмәтовка, авыл җирлекләре башлыкларына, авыл хуҗалыгының төрле формадагы хуҗалык җитәкчеләренә, эшмәкәрләргә зур рәхмәт.