Халык җыеннары Түбән Суыксудан башланды

Кичә районда халык җыеннары башланды. Түбән Суыксу авылы мәдәният йортында үткән шундый чараларның беренчесенә Түбән Суыксу, Борды, Мусабай Завод авыл җирлекләрендә яшәүчеләр килгән иде. Район башлыгы Васил Хаҗиев җыенга килүчеләргә бүген районның гомуми хәле турында сөйләде, 2030 елга кадәр стратегик үсеш программасына кагылды, хәл итәсе прооблемаларга тукталды, бу бигрәк тә яңа участокларны инженерлык коммуникацияләре белән тәэмин итүгә кагыла. Алда торган РФ Дәүләт Думасына сайлауларның никадәр мөһим кампания булуын ассызыклады, райондашларны анда катнашырга, битараф калмаска чакырды.