Чаллыда кактуслар күргәзмәсе була

Музейда Виктор Мошенскийның иң сирәк очрый торган кактус үрнәкләре куелачак.

Чаллыда кактуслар күргәзмәсе була. Әлеге уникаль коллекцияне Чаллы табибы җыйган. Ул эшеннән буш вакытларында сәяхәт итәргә ярата икән, дип яза җирле басма.

Күргәзмә 26 марттан 10 апрельга кадәр Чаллының Эколгия һәм әйләнә-тирәне саклау музеенда булачак. Ул "Кактусы и не только... Мое открытие Америки" дип атала. Музейда Виктор Мошенскийның иң сирәк очрый торган кактус үрнәкләре куелачак.

Музейга килүчеләр кактусларны гына күреп калмыйча, Викторның кызыклы вакыйгалар турында сөйләгәнен дә ишетә алачаклар.