Күзкәйдә Җиңү көнен бер гаилә булып бәйрәм иттеләр
9 Майда бәйрәм шатлыгы өйләргә генә сыймады – бөтен авыл халкы урамга чыкты, бер-берсен Бөек бәйрәм белән котлыйлар, мәдәният йортыннан музыка агылып тора, кыр станы казанында «солдат боткасы» пешә, бөтен кеше авыз итсен диеп урамда мул ризыклы чәй өстәле әзерләнгән. Бәйрәмчә киенгән халык, язгы мәшәкатьләрен ташлап, бер гаиләдәй җыелып, гөр килеп аралашты.
