Мәдәният рубрикасы буенча яңалыклар

• 15 сентябрь 2019

  Әлфия Авзалова сыны барлыкка киләчәк

  Татар халкының мәшһүр җырчысы Әлфия Авзалованың сынын Казанда ул җирләнгән Яңа Бистә зиратында урнаштыру каралган. Бу хакта матбугат очрашуында журналистларга аның кызы Зөлфия Нигъмәтҗанова-Авзалова җиткергән. «Һәйкәл 20 сентябрь иртәнге сәгать 10да әнинең кабере өстендә куелачак. Әлегә аның нигезе генә урнаштырылган. Скульптура авторы – Фәнил Вәлиуллин», – дип белдергән ул.

• 11 сентябрь 2019

  Илһам фестивале

  Тукай районы хакимияте, Рәшит Ваһапов исемендәге фонд белән берлектә мәшһүр җырчы Илһам Шакиров истәлегенә багышлап «Китмә, сандугач!» исемле фестиваль оештыра. Әлеге чара 14 сентябрьдә безнең районда – җырчының туган авылы Яңа Бүләктә башланып китә. 8 октябрьдә Казан филармониясендә, 27 октябрьдә Мәскәүдә, 13 ноябрьдә Уфа шәһәрендә концертлар булачак.

• 07 сентябрь 2019

  «Вилданов» игенчеләренә ял бүләк иттек

  «Вилданов» крестьян-фермер басуларында игеннәрне җыю дәвам итә. Игенчеләр иртә таңнан кичке чык төшкәнче эшлиләр. «Тукано» комбайнында Фирзәр Шәфыйков, «Нива»да Илмир Шәфыйков, «Дон»да Ринат Гатиятуллин бер бөртекне түкми-чәчми ашлык суктыралар. Ындырга берөзлексез ашлык кайтып тора, аны КамАЗ машиналарында Илдар Таһиров, Владимир Харитонцев ташыйлар.

  
• 03 август 2019

  Изге Болгарга сәяхәт кылдык

  Барлык кешенең дә хаҗга барырга мөмкинчелеге булмый. Ә бит республика территориясендә дә изге урыннар да җитәрлек. Безгә дә Корбан гаете бәйрәменә каршы изге җиребез – Болгарга «хаҗ» кылырга насыйп булды. 

  
• 02 август 2019

  Халыкара бәйгедә дә «Мизгел» курайчылары сынатмады

  Күптән түгел, 18–22 июль көннәрендә Яңа Бүләк авылы мәдәният йорты каршында эшләүче «Мизгел» курайчылар ансамбле Сочи шәһәрендә «Радость планеты» VIII – Халыкара фестиваль – конкурсында катнашты. Татар халык көйләренә тезмәне югары һөнәри осталык бельн башкарып, ансамбль I дәрәҗә лауреат исеменә һәм аерым махсус бүләккә – «Халык традиияләрен саклаучы» дипломына, шулай ук 2 кубокка лаек булды. 

• 15 июль 2019

  Шагыйрь авылдашыбызны искә алдык 

  Җәй – табигатьнең иң матур мәле. Балаларыбыз өчен бигрәк тә: рәхәтләнеп ял итәләр, сәламәтлекләрен ныгыталар, өлкәнрәк сыйныф укучыларының кайберләре, мисал өчен, безнең Күзкәй мәктәбе укучылары, урак өстендә хезмәт чыныгуы да алалар. Ә җәйнең иң матур көннәрендә алар мәктәп яны лагеренда рәхәтләнеп ял итте. Әле шәһәр белән танышырга Чаллыга чыгып киттеләр, аннан кайткач авыл тарихын, бүгенгесен өйрәнделәр, фермага барып, терлекчелек тармагындагы хәлләр белән дә танышып кайттылар, китапханәдә нинди генә чаралар үткәрелмәде.

• 12 июль 2019

  «Ак калфак» килә

  15-17 июльдә районыбызда мөhим вакыйга көтелә. Өч көн дәвамында Бөтендөнья татар конгрессының «Ак калфак» татар хатын-кызлары оешмасының күчмә утырышы узачак. Әлеге иҗтимагый оешманың максаты – җирлекләрдәге йола-традицияләрне барлау, татар халкының яшәешен өйрәнү, төбәкләрнең танылган шәхесләре белән танышу. 

• 07 июль 2019

  Яктылык

  Чаллы татар дәүләт драма театры артисткасы, районыбызның Иске Гәрдәле кызы Флүзә Касаеваны тамашачы күбрәк чәчрәп, янып торган образлар аша белә.

  
• 06 июль 2019

  Бер күрешү ни тора

  Районда 15-17 июль көннәрендә Бөтендөнья татар конгрессының «Ак калфак» татар хатын-кызлары оешмасы утырышы узачак. Булачак чаралар хакында район башкарма комитеты җитәкчесенең социаль мәсьәләләр буенча урынбасары вазыйфаларын башкаручы Эльмира Әхмәтҗанова сөйли.

  
• 01 июль 2019

  Яшь киленнәр үзләрен күрсәтсен иде

  Быел Сабантуй кунакларына милли традицияләребезне чагылдырган кул эшләре коллекциясен күрсәттем. Ул эшләрнең кайберләрен үзем башкардым. Мәсәлән, чит-читләре челтәрле кулъяулыкларны. Ә кайберләрен антиквариат кибетләреннән сатып алып, яңадан иҗади эшләнелеш таләпләренә туры китереп реставрацияләдем. Кайберләрен кул эшләре осталарына заказ биреп эшләттем. Шул рәвешле, халкыбыз традицияләрендә кул эшләренең тоткан урынын, аларның тәрбияви әһәмиятен күрсәтергә тырыштым. 

• 24 июнь 2019

  Район гимны күңелемне кузгатты

  Район Сабантуенда алган тәэсирләремнең иге-чиге булмады. Ярый әле барганмын дип сөенеп кайттым. Бәйрәмдә алган шатлык хисләрем, дәрт-дәрманым миңа бер ел буе йөгереп йөрерлек көч биреп кайтарды. Ничекме?.. Мин бит шагыйрә, җырлар иҗат итәм, күп кенә җырларым көе белән бергә туа. Ә хисле кешене дулкынландыру ул диңгез өсте белән бер. Талгын җилдә изри, уйнаклый, ялтыр-йолтыр итә, күктә әкрен генә агылган болытларны тибрәтә, ә давыл кубып җилли башласа, табигать гарасатларыннан да көчлерәк.

• 21 июнь 2019

  «Өмет җилкәне» 

  Мөмкинлекләре чикле балалар иҗатының V төбәк фестивале узды. Ул Әлмәт дәүләт татар драма театрында «СМП-Нефтегаз» АҖ компаниясе ярдәме белән оештырылды. Фестивальдә Тукай районын Теләнче Тамак интернат-мәктәбе укучылары тәкъдим итте.

  
• 24 май 2019

  Гармун берләштерде

  Элек-электән Россия авылларын гармунчылар тоткан. Авылның җаны булып торганнар алар. Шөкер, хәзер дә аларга кытлык юк. Шуны истә тотып, «Якты юл» газетасы үзенең чираттагы проектын гамәлгә ашырды – Иске Җирекле авылында «Уйна, Тукай гармуны!» бәйрәмен уздырды. Анда район авылларыннан 40тан артык оста җыелды. Төрле милләт вәкилләре берсеннән-берсе уздырып халык көйләрен дә, заманча көйләрне дә сыздырды. Мәскәүдән килгән профессиональ виртуоз баянчы Айдар Сәләхов, Казан кунаклары –  җырчылар Хәмдүнә Тимергалиева, Мөнир Рахмаев, Илназ Баh әлеге тамашаны тагын да бизәде. 

  
• 20 май 2019

  Авылыгызның җыры бармы?

  Соңгы елларда күп кенә шәһәр-авылларның үз җырлары язылды.

• 20 май 2019

  «Кайтыр идем яшьлек елларына»

  Иштирәк авылы китапханәсендә Татарстан Республикасының Г.Тукай исемендәге Дәүләт премиясе иясе, татар әдәбиятының йөзек кашы булган, шигърияттә якты йолдыз булып балкыган, үзенең киңкырлы иҗаты белән меңнәрчә китап сөючеләрнең күңелен яулаган Клара Гариф кызы Булатова белән «Кайтыр идем яшьлек елларына» дип исемләнгән бик кызыклы, эчтәлекле, җылы очрашу узды. Анда югары сыйныф укучылары, шигырьләренә гашыйк булган авыл халкы килгән иде. Үзе бер буын, үзе бер шигъри ачыш, үзе бер иҗади утрау булган шәхесне үз күзләрең белән күрүдән, рәхәтләнеп сөйләшеп утырудан да бәһалерәк ни була ала!