Мәдәният рубрикасы буенча яңалыклар

• 27 ноябрь 2019

  Иң шаяннар һәм иң тапкырлар

  Соңгы елларда Шаяннар һәм тапкырлар клубы уеннарының актуаль икәнен белсәм дә, үземнең бер тапкыр да уйнаганым һәм конкурс төрләренә дә төшенгәнем юк иде. Район мәдәният һәм ял үзәгендә эшли башлавыма Шаяннар һәм тапкырлар клубы фестивален оештыру йөкләнгәч, башта бераз куркып та калдым. Моңа кадәр чит төбәктә татар мәдәниятен саклап калу һәм аның үсеше өлкәсендә эшләгән кешегә ШТК фестивале уздыру читен кебек тоелды. Тиз арада положениене эшләп чыгып, авыл мәдәният йортларына тараттык. Мәдәният йорты җитәкчеләре дә бераз аптырап калдылар. Әзерләнү өчен вакыт бик әз иде. Мәдәният һәм ял үзәге директоры Илнур Сәхбетдиновның үз сүзен тота белүе катнашучыларга да, оештыручыларга да фестивальгә җаваплы карарга булышты. Кадрлар белгече Эльза Бакирова студент чагында ШТКда катнашкан, ул да ярдәмгә килде.

  
• 26 ноябрь 2019

  Әдипләр белән якыннан таныштык

  Мусабай-Завод урта мәктәбендә укучылар да үткен каләм ияләре, киң колачлы язучылар белән очрашу бәхетенә иреште. Ул көнне бездә кунакта язучы, тарихчы-галим, Г. Тукай исемендәге дәүләт премиясе лауреаты, Татарстан Республикасының атказанган мәдәният хезмәткәре, «Мәдәни җомга» газетасы баш мөхәррире Вахит Имамов, язучы, шагыйрь, тәрҗемәче Мансур Сафин һәм язучы, прозаик Марс Яһудин булдылар.

  
• 25 ноябрь 2019

  Моңга төрелеп яши күңелләрдә

  Шагыйрьнең туган авылы Күзкәйгә – ул укыган мәктәп укучылары белән очрашуга Татарстанның атказанган сәнгать эшлеклесе, Гаяз Исхакый, Һади Атласый исемендәге премияләр иясе, танылган язучы, шагыйрь, публицист Айдар Хәлим һәм Татарстанның атказанган сәнгать эшлеклесе, прозаик, «Мәгариф өлкәсендәге казанышлары өчен» медале лауреаты, Фатих Хөсни, Дамир Сираҗиев исемендәге премияләр иясе, драматург Рәдиф Сәгъди килде.

  
• 24 ноябрь 2019

  Тәэсирле очрашу

  Районыбыз шагыйре Фәннүр Сафинны искә алу чарасы безнең Биклән урта мәктәбендә дә узды. Бәхетебезгә, безгә Татарстанның халык язучысы, тел язмышына тирән игътибар бирүче шәхес Рабит Батуллин килде. Ул һәрдаим эзләнүдә һәм табышта булган гаҗәеп кызыклы, зыялы кеше, романнар, повестьлар, хикәяләр, пьесалар, мәзәкләр авторы. Рабит аганың тынгысыз хезмәте югары бәяләнгән. Аңа «Татарстанның атказанган сәнгать эшлеклесе» дигән мактаулы исем бирелгән. Әдәбият өлкәсендә ирешкән уңышлары һәм иҗтимагый эшчәнлеге өчен ул Гаяз Исхакый исемендәге һәм Татарстан Республикасының Габдулла Тукай исемендәге премияләргә лаек булган.

  
• 22 ноябрь 2019

  «Җәлил укулары» бәйгесенең төбәк туры

  24 ноябрьдә Иске Абдул мәдәният йортында «Җәлил укулары» республикакүләм бәйгесенең төбәк (зона) туры узачак.

• 18 ноябрь 2019

  Илһам абыйны юксыну нәрсәгә әверелде?..

  Илһам абыйның якты дөньядан безне ташлап китүенә әле бер ел да үтәргә өлгермәде, аны юксыну тойгысы җанымны бимазалый башлады. Әйе, халкы белән гомерлеккә хушлашуыннан соң көчәйгәннән-көчәя генә барды ул сары сагыш, ачы үкенеч... Әйтерсең лә, тормыш агышы туктап калды: кышның аклыгын күрмәдем, язның ямен сизмәдем, җылысына сөенмәдем, инде көзгә керәбез... Карлы юллардан кыңгыраулы атларның җилдереп узулары Илһам тавышы тоемында тагын да дәртлерәк яңгырый иде шул.

  
• 18 ноябрь 2019

  Тукай районы мине таң калдырды

  Татарстанның халык артисты Хәмдүнә Тимергалиева үзенең 70 яшен тутырды. Аның сәхнәгә чыгуына 50 ел. Татар сәнгатен үстерүгә, дөньяга танытуга, халык җырларын саклап калып, буыннан-буынга тапшыруда аның өлеше бәяләп бетергесез. Моның өчен, беренче чиратта, чын талант булырга, халык күңеленә ачкыч таба белергә кирәк. Әлбәттә инде, намуслы булырга, чын тавыш, моңлы тавыш белән халык мәхәббәтен казанып хезмәт итәргә кирәк. Хәмдүнә апа нәкъ шундыйлардан. Аны таныган, яраткан халкына рәхмәтле ул. Соңгы араларда ул безнең редакциягә дә якынайды. Тукай районында без уздырган бәйрәмнәрнең күркәм бизәге булып алды. Без аның тормышы, тормышка карашы турында да байтак нәрсәләр белдек.  Тимергалиева Хәмдүнә Сәетгали кызы сугыштан соң туган бала. Башкортстанның Борай районы Котлыяр исемле кечкенә татар авылында дөньяга килә. Мәктәпне тәмамлагач, Уфа телефон элемтәсе станциясендә монтажчы булып эшли. Соңрак музыка училищесына укырга керә. 1971 елда Казан татар филармониясенә эшкә килә. 1987 елга кадәр шунда эшли. «Гармун моңнары» дигән беренче җырын ул Эмиль Җәләлетдинов төркемендә эшләгәндә башкара. Моңы һәм көчле тавышы белән тиз арада тамашачы күңелен яулап ала. 1987 елда Татарстанның атказанган, 1992 елда халык артисты исемнәренә лаек була. Аның репертуарында 1000ләп җыр бар. Нигездә, татар халык җырлары. 

  
• 13 ноябрь 2019

  «Серле каләм» иҗат бәйгесе талантларга юл ача

  Үзәкләштерелгән китапханәләр системасы якташыбыз, танылган шагыйрь Фәннүр Сафинның туган көненә багышлап «Җырымда юатырмын» әдәби-музыкаль кичәсе кысаларында «Серле каләм» исемле районкүләм иҗади бәйге игълан иткән иде.

• 10 ноябрь 2019

  Берсе – явыз, икенчесе – усал

  Хикәя

  
• 02 ноябрь 2019

  Авылыбыз яшәячәк әле

  Тукай районы Таулы Дөреш авылы революциягә кадәрге чыганакларда Кече Дөреш дип тә искә алына. 1870 елгы мәгълүматларга караганда, авылда мәчет, мәктәп, 2 су тегермәне эшли. 1920 елга кадәр Уфа губернасының Минзәлә өязе Язикәү волостена караган. 1920 елдан ТАССРның Минзәлә, 1922 дән Чаллы кантонына керә. 1930 елның 10 августыннан Чаллы, 1935 елның 10 февраленнән – Ворошилов, 1957нең 29 ноябреннән – Яңа Юл, 1959ның 12 октябреннән – Сарман, 1984нең 4 июненнән Тукай районына карый. 

  
• 02 октябрь 2019

  Аларсыз бер бәйрәм, бер чара үтми!

  27 сентябрь көнне район мәдәният хезмәткәрләре конференциясе узды. Чара Иске Абдул мәдәният йортында үткәрелде. Ул мәдәният тармагы эше йомгакларына һәм үсеш перспективаларына багышланган иде. 

• 01 октябрь 2019

  Эзләп Илһам эзләрен...

  Әле күптән түгел генә легендар җырчыбыз Илһам Шакиров истәлегенә багышланган бик матур чара узды. Бәйрәм кунагы, бүген Сарманда яшәүче Әшрәфулла Зарипов әлеге үзенчәлекле чарадан алган хисләрен шигырь юлларына салган. 

  
• 01 октябрь 2019

  «Икеләтә бәйрәм булды» 

  Август аенда үткәрелгән «Бал бәйрәме»ндә башкалабыздан чакырылган артистлар арасында иң күренеклесе, иң халыкчаны, кыскасы, чын-чынлап халык артисты Хәмдүнә Тимергалиева да бар иде. Ул вакытта бәйрәмнән алган тәэсирләрен җырчы газета укучылар белән дә уртаклашты. 

  
• 18 сентябрь 2019

  Яңа Бүләктә – Илһам үзәге

  Татарстан Республикасы мәдәният министрлыгы, Тукай районы хакимияте, Рәшит Ваһапов исемендәге фонд җитәкчесе Рифат Фәттахов Татарстанның һәм Россиянең халык артисты, Габдулла Тукай исемендәге Татарстан дәүләт премиясе лауреаты, «Алтын Аполлон» премиясе лауреаты, легендар җырчы Илһам Гыйльметдин улы Шакиров истәлегенә багышлап «Китмә, сандугач!» исемле зур чара оештырдылар. Бу чара безнең районда – халкыбызга бөек җырчыны биргән Яңа Бүләк авылында башланды.

  
• 15 сентябрь 2019

  Кариев театры Тукай районында

  19-20 сентябрь көннәрендә районда Габдулла Кариев исемендәге Казан татар дәүләт яшь тамашачы театры сәхнә тотачак. Башкала артистлары тукайлылар өчен нинди премьера әзерләгән? Тамашачыларны ни көтә? Бу турыда театрның җитәкчесе Гүзәл Сәгыйтова сөйли.