Көн үзәгендә рубрикасы буенча яңалыклар

• 26 октябрь 2018

  «Өлкән кешене тәрбиягә алган гаилә» пилот проекты эшли

  Бүгенге көндә «Шәфкать» үзәге аша 220 кешегә үз өйләрендә социаль хезмәтләр күрсәтелә. Араларында балалары читтә яшәүче яки гомумән ялгыз калганнары да бар. Интернат-йортларда социаль хезмәткәр андый өлкән кешеләрнең хәлен яхшыртуга бар көчләрен куя, әмма туганнарча җан җылысын, өйдәге мохитне бернәрсә белән дә алыштырып булмый. Нәкъ менә ялгыз әби-бабайларның хәлен җиңеләйтү максатыннан, 2017 елның 1 гыйнварыннан Татарстанда «Өлкән кешене тәрбиягә алган гаилә» дигән пилот проекты тормышка ашырыла.

  
• 25 октябрь 2018

  Яңа Мусабайга беренче мәртәбә су керә

  Авыл территорияләрен үстерү программасы нигезендә районга быел өстәмә финанслау нигезендә акча килде. Шул нисбәттән Түбән Суыксу авыл җирлегенә кергән Яңа Мусабай һәм Теләнче Тамак авылларында халыкны су белән тәэмин итү эшләре бара. Яңа Мусабайда исә, гомумән, әле бүгенге көнгә кадәр су кермәгән булган. Болардан кала, Мусабай Завод белән Мәләкәс авыл җирлекләрендә дә, «Авылда су белән тәэмин ителеш» программасы кысаларында зур күләмле эшләр башкарыла.

  
• 20 октябрь 2018

  Министр урынбасары Нәҗип Хаҗипов:  «Тукай районы республиканың агросәнәгать, авыл хуҗалыгы тармагында аерым бер урын алып тора»

  Үткән шимбә көнне Яр Чаллы шәһәренең «Татарстан» кунакханәсендә Авыл хуҗалыгы һәм эшкәртү сәнәгате хезмәткәрләре көне уңаеннан бәйрәм тантанасы узды. Биредә район авыл хуҗалыгы тармагының алдынгы хезмәткәрләре түгәрәк өстәл янына җыелды. Тантанада район башлыгы Фаил Камаев, Авыл хуҗалыгы һәм азык-төлек министры урынбасары Нәҗип Хаҗипов, Яр Чаллы шәһәре башкарма комитет җитәкчесе Ринат Абдуллин катнашты.

  
• 19 октябрь 2018

  Ул безнең горурлыгыбыз

  Бүген Тукай районында якташыбыз Фәннур Сафинның 70 еллык юбилее уңаеннан зур чара уза. Республика язучылар берлеге әгъзалары, район горурлыгы булган шагыйрьнең туган ягына җыелып, мәктәп укучылары, әдәбият сөючеләр белән очрашып, сәнгать бәйрәмендә катнаша. Кич белән исә «Энергетик» мәдәният сараенда «Җырымда юатырмын» дип исемләнгән әдәби-музыкаль кичә узачак.

  
• 17 октябрь 2018

  Район көзге ярминкәләре гөрли: бәяләр түбән, сыйфат югары

  Үткән шимбәдә Яр Чаллы шәһәренең ГЭС бистәсендә урнашкан «Төзүчеләр» стадионында чираттагы авыл хуҗалыгы ярминкәсе узды. Әлеге көнне сату рәтләре буенча Авыл хуҗалыгы һәм азык-төлек министры урынбасары Нәҗип Хаҗипов йөреп чыкты һәм сатуда булган продукциянең төрлелеге, аларның бәяләре белән танышты. Район авыл хуҗалыгы һәм азык-төлек идарәсе хәбәр итүенчә, ярминкә көнне 2 миллион 813 мең сумлык продукция сатылган.

  
• 10 октябрь 2018

  Беренчелек – Күзкәй командасында

  Өлкәннәр декадасы кысаларында Сосновый Бор поселогының «Яшьлек» спорт һәм сәламәтләндеү комплексында узган спартакиадада районның 16 авыл җирлегеннән килгән ветераннар көч сынашты. 

  
• 05 октябрь 2018

  Түбән Суыксу авылы мәктәбе өч ел рәттән беренче урында

  – Балаларга авылыбызның «Ак каен» балалар бакчасы тәрбиячеләре дөньяны танып белергә өйрәтсә, сәләтләрен ачарга ярдәм итсә, белемгә нигез салса, акны карадан аерырга, тормышта үз юлларын табарга мәктәп укытучылары ярдәмгә килә, – ди Түбән Суыксу авыл җирлеге башлыгы Флюр Ихсанов авыл авыл мөгаллимнәре турында.

  
• 03 октябрь 2018

  Өлкәннәр ункөнлеге Боерганнан башланды

  Боерган авылында кеше күңелен җылыта, милли йолаларыбызны яңарта торган күңелле бәйрәмнәр әледән-әле уздырылып тора. Биредә нинди генә чара әзерләмәсеннәр, мәдәният хезмәткәрләре аны бөтен күңел җылысын биреп, һәр йөрәккә җан өрерлек, күңелләрне кузгата, уйландыра, шатландыра алырлык итеп әзерли беләләр. Өлкәннәр көненә багышлап үткәрелгән «Көзге вальс» бәйрәмен дә шулкадәр матур оештырганнар иде.

  
• 28 сентябрь 2018

  «Петушок» – иң яхшы бакча

  27 сентябрь көнне тәрбиячеләр һәм мәктәпкәчә белем бирү оешмалары хезмәткәрләре һөнәри бәйрәмнәрен билгеләп үтте. 

  
• 26 сентябрь 2018

  Терлекчелек биналарының кышка әзерлеген бәяләделәр

  Район хуҗалыкларында терлекчелек биналарының кышка әзерлеген һәм фермаларда сөт саву җайланмаларын тикшерделәр. Комиссия составына район башлыгы Фаил Камаев, район авыл хуҗалыгы һәм азык-төлек идарәсе башлыгы Ренат Хәсәнов, район ветеринария берләшмәсе башлыгы Ленар Хәйбуллин кергән иде.

  
• 21 сентябрь 2018

  «Милләтләр кроссы» дүрт меңгә якын тукайлыны җыйды

  Узган шимбәдә бөтен Россия буенча «Милләтләр кроссы-2018» марафоны үтте. Кросс районның һәр авыл җирлегендә уздырылды. Круглое Поле поселогында, әйтик, марафонга 450дән артык кеше килгән иде. Бу көнне алар 2018 метр араны йөгереп узды.

  
• 19 сентябрь 2018

  Cатучылар күп, сатып алучылар аз

  Узган шимбәдә Яр Чаллыда авыл хуҗалыгы ярминкәләре эшли башлады. Биредә күрше-тирә районнардан һәм шәһәрләрдән, Башкортстаннан килгән эшмәкәрләр, шуның белән бергә безнең район шәхси ярдәмчел һәм крестьян-фермер хуҗалыклары да катнашты. Алар үзләре җитештергән продукция, әйтик, бәрәңге, яшелчә, бал, сөт, ит белән сәүдә итте. Ярминкәгә без дә чыгып, сатучылар һәм сатып алучылар белән аралаштык. Алардан ярминкәнең беренче көне турында фикерләрен белешеп кайттык.

  
• 14 сентябрь 2018

  Фаил Камаев Тукай районы башлыгы итеп сайланды

  Бүген Тукай муниципаль районы Советының чираттан тыш утырышы узды. Аның эшендә Татарстан Республикасы муниципаль берәмлекләр Советы Ассоциациясе рәисе Экзам Гобәйдуллин, Пенсия Фондының  Татарстан Республикасы бүлеге идарәчесе, ТР Министрлар Кабинетыннан район кураторы Эдуард Вафин, Яр Чаллы шәһәре мэры урынбасары Флера Андреева катнашты.

  
• 12 сентябрь 2018

  Җирле депутатларны сайладык

  Якшәмбе көнне районның 10 авылында 11 округ буенча җирле үзидарә органнарына өстәмә сайлаулар узды. Сайлау алды кампаниясе барышында барлыгы 30 кандидаттан гариза кергән иде. Шуларның 28е сайлауларда катнашты. Территориаль сайлау комиссиясе хәбәр иткәнчә, тукайлыларның 53 проценты үзләре теләгән кандидатка тавыш бирде. Шулай итеп, бүгенге көндә авыл җирлекләре советлары депутатлык корпусы тулы составта эшли, мөһим карарлар кабул итә ала.

  
• 07 сентябрь 2018

  Аулашлылар зиратка бару юлында тимер юл аша чыгу урыны төзетә алырмы?

  Шушы көннәрдә Аулаш авылында җыен узды. Планнан тыш оештырылган очрашуның сәбәбе – авыл зиратына алып баручы юлга рельслар аша чыгу урыны төзү. Ул Бигеш-Никошновка арасындагы тимер юлның 157 километрына туры килә. Әлеге мәсьәләгә ачыклык кертер һәм чишү юлларын эзләр өчен җыенга Куйбышев тимер юлы – «Россия тимер юллары» ачык акционерлар җәмгыяте филиалы вәкиле Максим Постнов чакырылды.