Ана – гаилә учагын саклаучы
Ярты гасырдан артык бергә яшәүче парлар төскә-биткә дә охшашлана, ахрысы. Күзкәй авылында гомер кичерүче Мәгъфия Имаметдин кызы белән Нәкыйп Мәгънетдин улы Вәлиевләр бер-берсенә охшашканнар. Үзләренә бу хакта әйткәч Нәкыйп ага уенын-чынын кушып: «Хатын белән туганлашып беттек. Чынлап та, йөз-кыяфәтебез дә тәңгәлләште бугай инде. Уй-фикерләребез дә уртак», – ди.
