Сүз кирәкми, эш кирәк
«Безнең район ял көннәрендә хәрби полигонны хәтерләтә: юл һәлакәтләре булмый калмый, әле тегендә, әле монда янгыннар чыгып тора. Шундый ситуацияләрдә кешеләрнең битарафлыгы шаккатыра: янгын вакытында беркем дә чиләк яки көрәк тотып ярдәмгә ашыкмый, этешә-төртешә фаҗигане телефоннарына төшереп калырга тырышалар». Әлеге сүзләр Гадәттән тыш хәлләрне кисәтү һәм бетерү, янгын куркынычсызлыгын тәэмин итү буенча комиссия утырышында яңгырады. Утырышта китерелгән саннар вазгыятьнең җитдилеген күрсәтә, һәм районда хәлләрнең уңайга таба бармавыннан гаҗиз булган комиссия рәисе Айрат Хәбибуллин сөйләшүне кискен тонда алып барырга мәҗбүр.
